Posted in ವಿದ್ಯಮಾನ on ಡಿಸೆಂಬರ್ 31, 2015| Leave a Comment »
The WordPress.com stats helper monkeys prepared a 2015 annual report for this blog.
Here’s an excerpt:
The concert hall at the Sydney Opera House holds 2,700 people. This blog was viewed about 9,400 times in 2015. If it were a concert at Sydney Opera House, it would take about 3 sold-out performances for that many people to see it.
Posted in ವಿದ್ಯಮಾನ on ಮೇ 1, 2014| 3 Comments »
ಇಂದು ಕಾರ್ಮಿಕ ದಿನಾಚರಣೆ. ನಾವೆಲ್ಲರೂ ಕಾರ್ಮಿಕರೇ. ಕೆಲಸ ಮಾಡುವವರೆಲ್ಲರೂ ಕಾರ್ಮಿಕರು ಎಂದು ನನ್ನ ಅಂಬೋಣ. ಕೆಲಸದಲ್ಲಿ ಮೇಲು ಕೀಳು ಎಂಬ ಭಾವ ಸಲ್ಲ. ಎಲ್ಲ ಕೆಲಸಕ್ಕು ಅದರದ್ದೇ ಆದ ಗೌರವ ಇದೆ. ಜೀವನೋಪಾಯಕ್ಕಾಗಿ ಕೂಲಿ ಮಾಡುವವರು, ಹಣ್ಣು ಮಾರುವವರು, ಚಪ್ಪಲಿ ಹೊಲಿಯುವವರು, ಕೃಷಿ ಕಾರ್ಮಿಕರು, ದಾಸಯ್ಯ, ಬಲೂನು ಮಾರುವವರು, ಹೊಟ್ಟೆಪಾಡಿಗಾಗಿ ಬಸವನನ್ನು ಊರಿಂದೂರಿಗೆ ಕರೆದೊಯ್ಯುವ ವೆಂಕಟೇಶ, ಇತ್ಯಾದಿ ವಿವಿಧ ಬಗೆಯ ವ್ಯಾಪಾರದಲ್ಲಿ ಪ್ರಾಮಾಣಿಕವಾಗಿ ದುಡಿಯುವ ಎಲ್ಲರಿಗೂ ಶುಭಾಶಯಗಳು.
ಪ್ರಾಮಾಣಿಕವಾಗಿ ಜೀವನ ಸಾಗಿಸಲು ನೂರಾರು ದಾರಿಗಳಿವೆ. ಅವುಗಳಲ್ಲಿ ಕ್ಯಾಮರಾ ಕಣ್ಣಿಗೆ ಕಂಡ ಕೆಲವು ಝಲಕುಗಳು .
Posted in ವಿದ್ಯಮಾನ on ಮಾರ್ಚ್ 22, 2014| 1 Comment »
ಮೈಸೂರಿನ ಕುವೆಂಪುನಗರದ ಅನಿಕೇತನ ರಸ್ತೆಯ ೩ನೇ ರಸ್ತೆ ಯಲ್ಲಿ ಸಾಗುವಾಗ ತಂಪಾದ ಸುಖ ಸಿಗುತ್ತಿತ್ತು. ರಸ್ತೆಗೆ ಬಿಸಿಲು ಬೀಳದಂತೆ ಮರಗಳ ರೆಂಬೆಗಳು ವಿಶಾಲವಾಗಿ ಹರಡಿದ್ದುವು. ವಿದ್ಯುತ್ ಶುಲ್ಕ ಕಟ್ಟಲು ಪ್ರತೀ ತಿಂಗಳೂ ನಾನು ಸೈಕಲಿನಲ್ಲಿ ಅದೇ ರಸ್ತೆಯಲ್ಲೇ ಹೋಗುವುದು. ಇತ್ತೀಚೆಗೆ ಆ ರಸ್ತೆಯಲ್ಲಿ ಹೋದಾಗ ಆಘಾತ ಕಾದಿತ್ತು. ಮರಗಳೆಲ್ಲ ಕೊಂಬೆ ಕತ್ತರಿಸಿಕೊಂಡು ಶೋಕಸಾಗರದಲ್ಲಿ ಮಿಂದು ಅಳುವಂಥ ವಾತಾವರಣ ಕಂಡಿತು. ಇದಕ್ಕೆ ಕಾರಣರಾರು ಎಂದು ವಿಚಾರಿಸಲು ೩ ಸಲ ಆ ರಸ್ತೆಯಲ್ಲಿ ಅಡ್ಡಾಡಿದೆ. ಯಾರಾದರೂ ಮನೆ ಬಾಗಿಲು ತೆರೆದು ಬರುತ್ತಾರೇನೋ ಎಂದು ಕಾದೆ. ಒಂದು ಮನೆಯಿಂದ ಒಬ್ಬರು ಹೊರಬಂದು ತಳ್ಳುಗಾಡಿಯಲ್ಲಿನ ತರಕಾರಿ ಕೊಳ್ಳಲು ಅನುವಾದರು. ಇದಕ್ಕಾಗೇ ಕಾಯುತ್ತಿದ್ದ ನಾನು ಧಾವಿಸಿ ಹೋಗಿ `ಯಾರು ಈ ಮರಗಳ ರೆಂಬೆ ಮಾತ್ರವಲ್ಲ ಕೊಂಬೆಗಳನ್ನು ಹೀಗೆ ಕತ್ತರಿಸಿ ಹಾಕಿದವರು?` ಎಂದು ಕೇಳಿದೆ.
`ಈ ಮರಗಳಿಂದ ತುಂಬ ತೊಂದರೆಯಾಗುತ್ತಿತ್ತು. ಎಲೆಗಳೆಲ್ಲ ಬಿದ್ದು ತಾರಸಿಯಲ್ಲಿ ಮಳೆ ನೀರು ಕಟ್ಟಿಕೊಳ್ಳುತ್ತಿತ್ತು. ಹಾಗಾಗಿ ನಾವು ಸ್ಥಳೀಯ ಶಾಸಕರಲ್ಲಿ ಈ ಮರಗಳ ರೆಂಬೆ ಕತ್ತರಿಸಬೇಕು ಎಂದು ಮನವಿ ಮಾಡಿದೆವು. ಅದಕ್ಕೆ ಅವರು ಸ್ಪಂದಿಸಿದರು. ಆದರೆ ಮರಕಡಿಯಲು ಬಂದವರು ರೆಂಬೆ ಕತ್ತರಿಸುವ ಬದಲು ಕೊಂಬೆಗಳನ್ನೆಲ್ಲ ಕತ್ತರಿಸಿ ಅರ್ಧಕ್ಕೆ ಮರ ಕಡಿದರು’ ಎಂದರು.
ಎಷ್ಟು ಚೆನ್ನಾಗಿ ತಂಪಾಗಿ ಇತ್ತು ರಸ್ತೆ. ಇನ್ನು ಮುಂದೆ ನಿಮಗೆ ಬಿಸಿ ಮನೆಯೊಳಗೂ ಬರಬಹುದು ಎಂದೆ. (ಅವರ ಮನವಿಗೆ ಶಾಸಕರು ಸ್ಪಂದಿಸಿದ ರೀತಿ ಮಾತ್ರ ಬಹಳ ಜೋರಾಗಿಯೇ ಇತ್ತು ಎಂದು ಮನದಲ್ಲೇ ಭಾವಿಸಿದೆ.)
`ಹೌದು. ಈಗಾಗಲೇ ಬಿಸಿಯ ಅರಿವು ಆಗಿದೆ’ ಎಂದರು! ನೆಗಡಿಯಾಯಿತೆಂದು ನಾಸಿಕವನ್ನೇ ಕತ್ತರಿಸಿಕೊಂಡ ಪರಿಸ್ಥಿತಿಯಂಥಾಯಿತು! ಈಗ ಅತ್ತರೆ ಏನು ಪ್ರಯೋಜನ?
ಮನುಷ್ಯರಿಗೆ ಬುದ್ಧಿ ಇಲ್ಲ. ಏಕೆ ಹೀಗೆ ಮರ ಕಡಿತಾರೋ ? ಎಂದು ಈ ಹಕ್ಕಿಗಳು ಹೇಳುತ್ತಿರಬಹುದೆ?
ಮಾಲಾ ಲಹರಿ 